Me organizim të Federatës së Boksit të Kosovës, është mbajtur edicioni i XV i turneut ndërkombëtar të boksit “Lah Nimani”.
Sivjet, përveç garuesve nga Kosova, morën pjesë edhe ata nga Shqipëria, Bullgaria e Maqedonia e Veriut.
Në finale u zhvilluan 11 meçe, në kategoritë nga 48kg deri në 80kg.
Gjatë këtyre dy ditëve u zhvilluan mjaft duele interesante me boks të mirë dhe cilsor.
Pas dueleve interesante, të cilat dhuruan spektakël para të pranishmëve në Pallatin e Rinisë dhe të Sporteve në Prishtinë, në fund u shpallën më të mirët.
Në fund, epitetin e kampionit të këtij edicioni e fitoi Amar Koqi nga Shqipëria.
Trofeun e më të mirit e dorëzoi Istrefi, i biri i Lah Nimanit.
Tekniku më i mirë u shpall Ivan Hristov nga Bullgaria dhe trofeun e pranoi nga presidenti i Federatës së Boksit të Kosovës Enver Krasniqi.
Dy legjendat e boksit Aziz Salihu e Fatmir Makolli, i ndanë çmimet për çiftin më luftarak, epitet që e mori dyshja Lumturim Xhoxhaj nga Kosova dhe Ardian Rrustemovski nga Maqedonia e Veriut.
Boksieri më i mirë i huaj u shpall Ruzhdi Rrustemovski nga Maqedonia e Veriut, i cili e pranoi çmimin nga nënkryetari i Federatës së Boksit në Maqedoninë e Veriut, Faton Salihu.
Trofeu i boksierit më Fair-Play u dorëzua nga ish-boksieri Muharrem Gjocaj dhe shkoi në duart e Benjamin Devës nga Kosova.
Në këtë turne u nda edhe çmimi për boksierin më perspektiv, të cilin çmim nënkryetari i Federatës së Boksit të Kosovës, Sylejman Voca e dorëzoi te maqedonasi Bajram Mamutovski.
Ky ishte edicioni i 15-të, i turneut të boksit “Lah Nimani” kushtuar strategut të njohur kosovar të boksit, i cili e kishte drejtuar klubin e Prishtinës drejt 5 titujve të kampionit dhe 6 tjerë të nënkampionit në ish-Jugosllavi.
Ky turne u organizua nga Federata e Boksit në bashkëpunim me Ministrisë për Kulturë, Rini e Sport.
Gjyqtarë/ Referee
1. Agim Shala
2. Agim Tahiraj
3. Marigona Beadini
4. Fadil Bekteshi
5. Granit Qorri
6. Luan Krasniqi
7. Agron Nushi
Supervajzer: Sima Viorel
Vajzer: Sylejman Voca – Nadir Shllaku
Mjeku kujdestar – Haki Dragusha
