Faton Xhakli është emëruar selektor i ri i kombëtares së Kosovës në boks për senior.
“Bordi i Federatës së boksit të Kosovës mbajti mbledhjen e rregullt ku ndër pikat kryesore ishte përzgjedhja e selektorit në kategorinë e seniorëve.
Pasi bordi shqyrtoi kandidaturën e aplikuesve, dhe me vota të bordit selektor i kombëtares së seniorëve u zgjodh Faton Xhakli.
Pasi posti i selektorit të femrave mbeti i zbrazët ushtrues detyre u emërua trajnerja Marjola Sallauka.
Pika tjetër ishte mbajtja e Kampionatit individual për senior (youth) dhe junior 2024 në Gjilan ku u diskutua për mbarëvajtjen e turneut ku u cilësua si një ndër kampionatet me boks të mirë dhe cilësor ku kishte pjesëmarrje masive e klubeve të boksit që janë nën ombrellën e FBOXK.
Pjesë e diskutimit ishte edhe organizimi i Turneut ndërkombëtar “Lah Nimani” që do të mbahët gjatë këtij muaji.
![](https://www.fboxk.com/wp-content/uploads/2024/05/438088135_730773149211856_7321201416102217020_n-1024x768.jpg)
![](https://www.fboxk.com/wp-content/uploads/2024/05/439953053_730773225878515_1018117008326964178_n-683x1024.jpg)